Bizkaiko Foru Aldundiak geolokalizazioan oinarrituta garatu duen bideojokoa da Hondakin GO!, ontzi arinen edukiontzira bota daitezkeen hondakinak behar bezala kudeatzeaz herritarrak sentsibilizatzekoa.
Ingurumen-kontzientziarik gabeko norbaitek han-hemen utzitako ontzi ugariz beteta dagoen udalerrian bizi zara. Horiek aurkitu, eta edukiontzi horian zuzen sartuko dituzu; horixe duzu eginkizuna.
Objektu susmagarriak hauteman diren puntuak adieraziko dizkizu mapak, dauden leku jakinetara oinez iristen zarenean agertuko zaizkizunak.
Baina... kontuz, objektu guztiak hondakinak ez direnez, ez dira horian sartu behar!
Identifikatu dituzunean, bakoitzarekin zer egin erabaki beharko duzu. Zuzen sartutako ontzi bakoitzeko puntuak jasoko dituzu, baina, nahastuta, bestelako objektuak edo hondakinak horian sartuz gero, markagailuan zigorra jasoko duzu.
Anima zaitez jolasten, eta lagun iezaguzu Bizkaian birziklatzea hobetzen!
