Garbigunea
Hondakin korrosiboak, eztandagarriak, sukoi edo kaltegarriak dira, eta horregatik arriskutsutzat jotzen dira gizakion osasunerako, baliabide naturaletarako edo ingurumenerako.
Edozein jarduera ekonomikok sortutako hondakin arriskutsuak dagokien arauen arabera kudeatu behar dira. Honelako hondakinak ezin dira bota errefusen edukiontzietara, tratamendu berezia eman behar zaie eta. beraz, berariazko bilketa guneetan utzi behar dira (web-a adierazten dituen garbiguneetan, esaterako).
Hondakin arriskutsuak lotuta daude gizakion eta animalien osasun arazo batzuekin: minbizia; bihotzaren eta arnas sistemaren arazoak; aldaketa metabolikoak eta hormonalak; arazoak nerbio sistema zentralean, sistema immunologikoan eta ugaltze sisteman; azaleko gaitzak; kalteak gibelean.
Hondakin arriskutsuek ingurumenean ere badaukate eragina; esaterako, hondarrak dauden ontziak, hots, dena amaituta ez dutenak, hondakinak kudeatzeko instalazio ez egokietara botatzen badira, lixibatuen arriskua handitu daiteke (OEK handitzen da); naturan botatzen badira, lurzoruak eta akuiferoak ere kutsa ditzakete.
Hondakin hauen kudeaketa egokiak epe motzean, ertainean edo luzean gizakion osasunean eta ingurumenean hondamendia gertatzea eragozten du.
Hondakin kudeatzaile batzuek ekimenak abiatu dituzte hondakin arriskutsuak aprobetxatu eta azpiproduktuak egiteko; adibidez:
- Aerosoletatik, erregai moduan erabiltzen diren gasak ateratzen dira.
- Pintura hondarrak dituzten ontziak garbitu egiten dira berrerabiltzeko eta birziklatzeko, eta pintura eta disolbatzaile hondarrak beste tratamendu baten bidez kudeatzen dira.
